اقتراح للجمهور

فكره حلوة احنه الرابطة اول ناس بكون في هذي الجمعية يعني الي بشارك في الجمعية يحط مبلغ 5 دينار اخر الشهر اعتقد انه هذا المبلغ مب اكبير مثلاً نسوي اصور حق الاعبين ونحطهم في المباراة عشان الاعب يدخل الملعب بحماس كبير وعشان بعد يقول انه الجمهور يحبني ويحب النادي

والله ياريت يكون في جمعيه للجماهير
لان بصراحه جماهيرنا يبيلهم دز علشان يحظرون ويشجعون الفريق

مدام انكم مايديني يا خواني
ابتدو اعلنو عنها
انا ماقدر ادش على النت مديم لاني مرتبط بالشغل وهالفتره محصل فجه ... وقلت خلني ادش
اتمنى انكم انتو تشوفون الموضوع وتخبروني عنه اول باول

وترى انا جربتها بروحي وفاد
جفتو اللفايف البيض الي انفلتو
هاي انا يايبهم وماعطهم الرابطه قولولي شرايكم
ويايب مال الحتفالات الي يطلعون اوراق بعد
انا قلت باجرب وترى اعجبة الجمهور وعجبت الشباب الاوراق الي يبتهم

يعطيك العافيه بن عمي وفكره ممتازه وانشالله نجوف تفاعل معاهه

والله فكرة حلوة لتحفيز الجمهور خاصة في المباريات المهمة

فكرة حلوة الصراحة

تسلمون اخواني بو عبدالله و غرباوي على الفكرة الجبارة و لازم التنفيذ يكون بسرعه

لا ذي ولا ذاك ... لافتات واعلام بدون جمهور اشفايدتها ... نكون جمعية وكل واحد يحط 5 دينار في الشهر ولو قلنا أن عددنا 50 راح يكون عندنا 250 دينار في الشهر = أول 250 دينار تكون ميزانية للمنتدى وفيها نكون فريق اعلامي ونشتري اجهزة بسيطة وثاني شهر أيضاً تروح للمنتدى وثالث شهر تروح ال250 دينار لتوفير باصات ذهاب وإياب من فرجان منطقة الرفاع واعتقد أن لو ذهاب وإياب يمكن يكلفنا بس للباص الواحد في المباراة الوحدة 50 دينار والرفاع في الشهر يلعب بالكثير 3 مباريات يعني نقدر نوفر باصين حق كل مباراة ... في الشهر الرابع والخامس تكون نفس الطريقة أما في السادس نوزعها كجوائز لأعضاء المنتدى وجذي بيزيدون الأعضاء وبعض المراكز التجارية بتتجه لنا ويمكن نحصل من الإعلانات في الشهر الواحد 200 دينار ... هال200 تروح 100 للمدير و100 للحمعية وبيصير للجمعية كميزانية شهرية 350 دينار وبهال 350 دينار نأجر لنا 2 محلين تجاريين وتقريباً نحصل منهم 400 إلى 600 دينار (لازم يكون شغل المحلين ضارب في السوق)وإذا قلنا أن الميزانية بتصير 500 دينار ناخذ منها 300 دينار لتوفير باصات لمباريات النادي ويبقى 200 دينار نخليها للفريق الإعلامي وتستمر التحديثات التطورات

ما شاء الله عليكم هاي كلها افكار جباره وكبيرة
واتمنى التتعاون وياليت توصل للاداره انا عن نفسي باوصلها وانتو اجتهدو وانجوف ......... والله يكتب الي فيه الخير

انا معاك بالي في بالك
بس ترى مباراتنا اليايه ضد القادسيه في البحرين 10-5 ونبي نستعد لها من ناحية الجمهور لان ترى اقولها لك وحق كل جماهيرنا جمهور محرق ضدنا واليوم اثبتولي بعد ههههههههههه بس ماعلينا منهم

اخوي غرباوي للابد لو انت عندك استضافة قوية كلنا ممعاك
ترى انا الي كنت كلمت في منتديات كورة vip anas
انا الاستضافة الى عندي مساحة نص جيجا ب 30 دينار ماخذها من شركة مصرية كان عليها منتداي بس كنسلته خلاص باقي على المساحة خمس شهور وتنتهي صارها سنتين معاي وعن رابط المنتدى الدومين واسم المنتدى نبي اسم يجذب اتباه الجمهور

مثلا رفاع ستي والرابط يكون www.4riffa.com

والي عنده افضل يتفضل
تحياتي لكم جميعا

وسالفة تركيب الاستايل وقواعد البيانات وتثبيت نسخة المنتديات vb عندي خلفية الحمد لله عنها ومجربها اكثر من مرة

إذا عن الإعلانات ترا عندي محل بحريني عالمي مسوي دعايات حق شركة كارس ومكتبة جاشنمال و و و ... هو في توبلي وصاحبه أنا اعرفه إذا تبون أي شي قولوا لي وأنا إن شاء الله باسوي لكم تخفيض

هاي رابط الشركة مالت الاستضافة شنو العرض الي يعجبكم
خبروني فيه
http://egypt2host.com/host.html

mahm0od321 كتب:إذا عن الإعلانات ترا عندي محل بحريني عالمي مسوي دعايات حق شركة كارس ومكتبة جاشنمال و و و ... هو في توبلي وصاحبه أنا اعرفه إذا تبون أي شي قولوا لي وأنا إن شاء الله باسوي لكم تخفيض

ماتقصر الشيخ
لو كلنا يد وحدة بنسوي منتدى ودعايات لتحفيز الجمهور ولدعم الفريق مالها حل
تحياتي