خسارة الرفاع من المحرق

السلام عليكم ورحمة الله وبركاته
خسر الرفاع من المحرق 1-0 من اللقاء الي جمعهم اليوم في الاستاد الوطني
عندي جم نقطة على المباراة
اولا حظور جماهيري ضعيف مقارنة بالمحرق (يمكن بسبب الاحداث )
غياب الرابطة الرفاعية عن المباراة توقعت اني باجوف الرابطة بس للاسف شفتهم بس قاعدين جي من غير الطيران والعدة !!

مستوى الفريق متدني الصراحة ربعي في الفريج يلعبون احلى من الرفاع مادري ليش الفريق مستواه نزل ماتوقعت يلعبون جي

الاعب عبد الرحمن مبارك تغير في الشوط الثاني وطلع من المللعب معصب ويوم دخل الهدف على الرفاع طلع من الملع وتوجه الى غرفة التبديل انا كنت اتوقع انه بيسجل قول لو قعد شوي

وريكو المنتهى مامنه فايدة ضيع فرص
وفي لاعب رقمه 9 الصراحة لعب بس مادري شسمه

نصيحة يافريق الرفاع اذا تبون الدوري لعبو عدل
اذا ماتبون الدوري خبرونا مانشجعكم ونعور قبنا على فريق مايستاهل <<مسامحة بس حدي مقهور من الخسارة

وين الرفاع الي كان يلعب في كاس اسيا
ليش ماتلعبون عدل

وحسين سلمان الله كريم

تحياتي لكم
مشجع رفاعي مقهوور من الفريق

هارد لك يا سماوي الهزيمه واللي بصراحه كنت تستحقها

الفريق مالعب كلش والسبب كثره المبارايات الفريق باين عليه التعب الله يسامح الاتحاد

ريكو امس كان وايد معصب قدرو يعصبونه جماهير المحرق

اما عن جماهير الرفاع يا خوي الاداره موراضيه تعطي فلوس حق الرابطه عشان اييبون معداتهم..للاسف الاداره وايد تعبانه

وبالتوفيق للسماوي في مبارياته القادمه

أنا قتلكم من البداية ومن مباراة المنامة يوم ننغلب الفريق تعبان وريكو منتهي وكملوها بوجود بوجان إلي أخش من ريكو نستأهل الخسارة أمس العام الماضي غالبينهم ٢-٠ لأنة فريقنا كان منظم بش السنة مافي شيء عدل والخليجية بيطلعون من البداية وبذكركم لأنة فريقنا فاشل لو فية خير ماتعادل مع الشباب وبسيتين والله يعينا مع الأهلي بيلعبون في حسبتنا أنا اجوف أنا الادارة تظبط أمورها لأنة دام بيفشلونا في المباريات مب رايحين لهم لأنة مايستأهل أحد يشجعة وصدقت يالي نقلت الموضوع

تبون الصراحه ..

اصلا ادارة النادي قبل اللاعبين منتهيين

وبالنسبه للاعبين

المحترفين كلهم مامنهم فايده

ريكو منتهي خلاص في مباراة امس الظاهر لحين يحس روحه يلعب مع المحرق يزعم ما يبي يزعل جمهور المحرق صج خاين

والمحترف الثاني ما سميه محترف

والمحترف التونسي مادري من وين يايبينه اصلا

وبالنسبه للفريق اللاعبين المواطنين ما عندهم روح قتاليه حق اللعب حتى في واحد محرقي يقولي امس الرفاع جنه نادي مدينة عيسى ... المحرق لاعبين عليهم نص ملعب و باصات

الحل في يد الادارة

رفعو من معنوية اللاعبيين ترى عندنا فريق زين بس ناقصهم الاهتمام

الاعبين ماعندهم حماس

فشلنا هالفريق أمس ..

يعني فاتحين مساحات و ماتضغطون على حامل الكرة شتبون يصير ؟

لعب مافيه طعم وماتستاهل أحد يطالع هالمباراة الداقة والقناة الرياضية بعد عليها الف علامة استفهام ؟؟؟؟.

الإرهاق يمكن كان من أحد اسباب خسارتنا .. مباراة ورى مباراة قاعدين في الدوري الأسباني إحنا ؟!
و لا ننسى ان معظم اللاعبين يشتغلون يرجعون من الشغل وعلى طول يروحون يلعبون ..ومنهم حماني !!

المحترفين الثلاثة مامنهم فايدة والله جنه نلعب بـ 8 لاعبين .. التونسي والله ربشة ماعنده الا يشوت الكورة برع الملعب وسلطان آل ثاني لو مخلينه مكانه على الاقل بيسوي شيء ... بوجان الفاشل من يستلم الكورة يا بتنقطع او بيمررها غلط او بيشوتها برع ,, صار له 7 مباريات بالدوري ماسجل ولا قول ...ريكو انتهى خلاص الموسم الي راح كان هداف الدوري لكن هالموسم حتى المشخص أهدافه بتكون أكثر من ريكو.

الجمهوووور وينه ؟؟ مبااااارااااة مهمة وتسمى بـ كلاسيكو الكرة البحرينية والي حضروا ينعدون على الأصابع وآعتقد ان الي حضروا من الجمهور اهمه لاعبين من فئة الناشئين او الشباب ...

المباراة القادمة بنلعب مع الاهلي والفريق يحتاج إلى تعديل بعض الاوراق و تكتيك مانبي نخسر هالمباراة بعد

انا الصراحة يوم رحت الملعب توقعت اني اجوف جمهور
نص الجمهور لاعبين فئات النادي

اذا الادارة ماتهتم في الرابطة من بيهتم فيهم
نادي من غير رابطة وجمهور مايسوى
ان شاء الله الوضع يتحسن قب والفريق يرجع لمستواه

والله تعبنا يا جماعة فريق كبير في البحرين لا يجد الاهتمام اين الادارة اين المسوولين اما بخصوص مباراة المحرق ريكو يتاثر بالعاطفية واناني ولعبه بطي اما بوجان فهو حرام يكون لاعب لا يجيد الا الاحتفاض بالكورة لماذا غادر ميلادين لماذا غادر عبودا اما بخصوص المد افع التونسي فهو صفقة فاشلة حرام سلطان الثاني ما يلعب بداله .
اما بخصوص احربان اكبر غلط من مدرب ان يلعب ثلاثة هجوم يجب ان يكون لاعب هجوم كورقة رابحة ذبتنا يالحربان.
الجمهور مايبيله كلام كله من الصيا