ما نجوف اي تحرك من ادارة النادي اتجاة الرابطة

بسم الله الرحمن الرحبم
اولاً السلام عليكم يا جمهور الرفاع الحبيب
المباراة باقي عليه يوم واحد ادارة النادي نائمة في العسل يعني نجوف جمهور الخصم بيي البحرين بجمهور كبير يعني ما يصير المباراة على ارضنه وما جفنه اي شي نبي اي واحد من ادارة النادي اتوضح لنه الامر يعني الفريق احين وصل نصف النهائي وبعض الاعبين يطلبون الجمهور ولكن الادارة ما تساعد الرابطة ..

اقولكم يا جمهور الرفاع ترى الرابطة يمكن ما تحضر المباراة والسبب الادارة يعني بعطيكم نسبة حضور الرابطة 60% اذا تساعدت معانه الادارة سوف تحضر 100%

واتمنى التوفيق للسماوي

والله ادارتنا وايد مقصره مع الجماهير
دايما تكون الرابطه اخر الاهتمامات للأسف

لكن ياالبركي هذي مباراة مصيريه وحبكم للسماوي ان شاءالله يخليكم متواجدين اول الناس للتشجيع
واحنا كلنا معاكم والجمهور البحريني بيكون متواجد باذن الله

وللتذكير: الأعلام والاكسسوارات بتكون متوفره في الاستاد وبحضور الرابطة بنهز الملعب ان شاء الله

شلون بنتطور اذا الادارة تجوف الفريق وتنسى الجماهير
نتمنى تواجد الرابطة من بدايه صفاره المباراة لان غيابهم فشيله في حقنا

البركي الله يهداكم و لا مباراة جفتكم ياين من وكت تعالو من وكت و شجعو و انشالله الادارة ما بتقصر وياكم بس اتيون شوط كامل ساكتين شلفايدة و يعطيك العافية

رفاعي بقولك شي النادي مب محترك تجاة الرابطة واذا اتقول احنه انيي متاخرين عن المباراة احنه نحمي الطيران والطيران يبي لهم وقت وثاني شي السماعات مختربين نطر رئيس رابطة نادي البسيتين الله يعطي العافية بو سلمان يونس اهو ايب السماعات من عندنه والنادي كل ما نقول لهم السماعات خرابه محد يسمع 4 سماعات خرابه وكل ما انقول حق واحد في الادارة السماعات خرابة يقولون لنه انشاء الله وعقب ما نجوف منهم رد

انا ابي منك رد يا رفاعي 92

اوك البركي اخوي انه وياك انه الادارة غلطانه انهى تتجاهلكم و من ناحية الطيران تقدر تيي قبل بشوي يعني تحمي الطيران شوط كامل ما اعتقد و انشالله نجوفكم اول الحاضرين في الملعب و تشجعون قبل الصفارة بعد و يعطيك العافية

شدعوه الرابطه تدخل قبل المباراه..ومايطقون الا نص الشوط الاول..
بس كلامك صح مافي تحرك من جانب الاداره وو ذي الي تعودنا عليه ..
بس غيرتكم يا عيال الرفاع بتخليكم تيون وماتنتظرون احد يقولكم سواء اداره او اي احد