ابيات شعرية : مواجهه الرفاع والقدساوية

ياكم الرفاع من ارض البحرين
ياكم وهو مرصَّع بكل الزين
يبي يحقق الفوز وخاصة
يحمل بجعبته أغلا هدفين

هلا بالي يانا من دار الزين
هلا بعيال عمومتنا البحرين
لكم منا كرم وحسن الضيافة
وحتى بالأهداف بنكون كريمين!

ماهي غريبة عنكم أهل الكويت
الكرم فيكم أصلا ذائع الصيت
لكن كرمكم بالأهداف محال
هذا الرفاع غالبك والا نسيت !

لا مانسيت يوم غلبتني بالتحكيم
يوم عشت الظلم المقصود الأليم
لكن شكيت لرب العزه الحال
انشاالله بينصرني وافهم ياغشيم!

النصر والفوز مكتوب للرفاع
الي صيته بعد هزيمتكم شاع
احنا أبطال لكاس الأسيويه
وانتم يالقادسية مالكم داع

بااااطل الي قلته على الأسماع
احنا الأصفر الي صيته قبلكم ذاع
من أيام فيصل وجاسم الذهبيه
انشهر الأصفر في كل البقاع

شهرتكم الحين ماتفيدكم أبد
حطينا لمسيرتكم نقطه و حد
بريكو الي هزأكم تهزيئ
وحارسنا الي لهجماتكم صد

راح نعلمكم في مباراة الرد
شلون نمدكم في الملعب مد
بنشن هجمات مافيها تهديئ
بكتيبة الرعب بنحقق المجد

كتيبتكم راح تلاقي مغاوير
قادرين على تخطي الأعاصير
كل لاعب فيهم قول وفعل
حتى لو ماكانوا مشاهير

يالرفاع خذوا منا هالتحذير
المطوع وحمد وفراس الخطير
وعزوز وجهاد كلهم مَثَل
للمواهب الي بالملعب تنير

مواهبكم علينا أبد ما تملي
شفناها بالذهاب اشسوَّت قولي؟
راح انطوقها واحياتكم بطوق
عنه بتاتاً ما تقدر تعلي

راح انزلزل ارض منطقة حولي
وانقول لجاريدو و ريكو روح ولي
وبنرفع رايتنا الصفره فوق
غصبن عليكم وعلى دلي !!
التوقيع

القاف .. قادسيه

والألف .. الله يحفظه

والدال .. دوم انحبه

والسين .. سحر فنه

والياء .. يازين اسمه

والهاء .. هيه هيه قادسيه